Синыдэлъфыбз
Гум укъыпэкlышъ,
Жэм удэткlуахьы
Шъоур хэолъхьэ орэу тихыпс
Укъэрэнэжь адыгэ lахьэу.
Сызlапэощэ, псэм ухэкlуакlэ.
Анэбыдзыщэм укъыхэнагъ
Хэт къэмыкlуами,
Садыжьы хьакlэу
Сыпегъокlынышъ есlощт:
Къеблагъ
Жьыбгъэм ишъуи,
Бзыу цlыр-щыри,
Сэ къызгурэlо, сэ синэlуас
Псыхъо шку-шкуур,
Тхьапэ шы-шышри
Ягущыlалъэр-сиадыгабз.
Усэгъэлъапlэ,
Укъэсэlаты
Сыгур фетыгъэу, ар сэ сикlас.
Лъысэгъэкlуатэ сиlорыlуатэу-
Синыдэлъфыбзэу, сиадыгабз.
14.03.2020 илъ.
къ. Инэм
Свидетельство о публикации №120031406453