Нагахьа санна ховре хьона,
Мишта чIоагIа эш сона воша.
Дег тIа кхаччалца мархIаволла,
Аят дешаргдалаш сона.
Нагахьа санна ховре хьона,
Мишта таац сона низ.
Мишта къайлаб беррига бала,
Ер морга-м аз лайнабац низ.
Нагахьа санна ховре хьона,
Мишта дех аз хьона тIера.
Йовзаргйоацаш цхьаккха гIайгIа,
Аз-м хьа бала а ловргбара.
Нагахьа санна ховре хьона,
Сона-м цхьаккха а дицденнадац.
Амма, деррига во эккхадаь,
Сийрдача доагалоацамца нек даьд.
МоллагIа бакъдар тIаэцаргда,
Тешам, тешаме боацачарна лу.
Айса волларгва се мархIа,
Иштта дешаргда аят.
Ибрагим Евлоев
Таржам: Матенаькъан Илез
Аят
© Copyright: Илез Матиев, 2020
Свидетельство о публикации №120031404144
Свидетельство о публикации №120031404144
Рецензии
