Короновирусдиз...

Китайдай акъатна эхир хьи вуна,
Жуван гъил вегьена гьарамдал, вирус.
Зи куьз герек тир вун,сергьятар атlуз,
Гьужумна на къунши Ирандал,вирус.
                Къериб Гьуьсейнов

Тажуниз ухшар я лугьуз алимри,
Ви тlварциз лагьана коронавирус.
Чидачни ваз амач шагьлух гьанани-
На лишан къачуна Иран, я вирус?

Вирусрин ватан тир Китайда хана,
SARS, SFTS... гила вун хьана.
Авачни хадайди ви кьил, ягъана-
Мад цикlин тийин вун чарана, вирус?

Акъатдачир вуч я шурва-ашинал?
Недачир тек са шеъ-ракъун машинар...
Аватlа акьулдин ибур,кашина-
Мад сефер гьатна ви туруна,вирус?

Я часпар чидач ваз,я сергьят,я гез,
На балкlан гьалзава майданар къвекъвез.
Я кlвачер хайиди,куткучни вак кьецl?
Ахлад хъвач, чун секин тур вуна, вирус.

Къати гар хьанва вун инсандин кьилел,
Куьз я бендейрикай ваз авай и хъел?
Гуьнагьар пара я жал чилин винел-
Твазва на синагъда,зуруна, вирус?

Кьейибур парава,дарман тахьана,
Жуван кар кьазава лап архайин на.
Инсан я, амукьдач икl ажуз хьана-
Аквада чаз вунни кьурана, вирус.
13.03.2020 г.