Дере-тепе ат1ана,
Эвич1на вун дагъларай.
Пакадин югъ кьат1ана,
Муг кутуна багълара.
Вуна хкягъна мектеб,
Илим чириз эгеч1на.
Шумуд аял вун себеб
Яз,шегьредал экъеч1на.
Хвавилелди къуллугъна,
Чирвал халкьдив агудна,
Са ч1авузни шулугънач,
Четинвилер алудна.
Экуьбур я сегьерар,
Ви баркаллу зегьметдин.
Къенибур я бегьерар,
Къазанмишай гьуьрметдин.
Чирвилер гунин рекье,
Пара тир ви къайгъуяр.
Мецел ала халкьдин къе:
«Ваз баркалла Седияр!»
Седияр муаллимдиз
© Copyright: Тамила Хуршидова Салманова, 2020
Свидетельство о публикации №120030908850
Свидетельство о публикации №120030908850
Рецензии