Бзылъфыгъэм идэхагъэ хэт пеон?
Анахь лlыхъужъ зыфаlори-текlуадэ.
-Псэетэу уинэмыс къэсыухъумэн,
lуданэкlэ уигъашlэ сэ сыхади.
Сатырхэмкlэ ищытхъу къэсымыlотами,
Бзылъфыгъэм lашэу иlэр-гъэсэныгъ.
Сытфэдэ зао-банэ щымыlами,
Кlэлакlэр, лlы зышlышъурэри-бзылъфыгъ.
Бзылъфыгъ-щыlакlэ цlыфым езытышъурэр
Бэмэ апай-гъунэнчъэм иублапl.
Кlымафэ чъыlэр, гъатхэ пфэзышlышъурэр
Бзылъфыгъ осlонышъ,
Джары сиджэуап.
Бзылъфыгъэ шъырытныгъэм узlэпищэу,
Унагъо пэпчъ ялlакъо къиlэтыгъ.
Синыдэлъфыбзэ зыхэсщагъ быдзыщэу.
Ишlуагъэ къэзыхьыгъэри-бзылъфыгъ.
08.03.2020 илъ.
къ. Инэм
Бзылъфыгъ
© Copyright: Шефруков Адам Рамазанович, 2020
Свидетельство о публикации №120030803151
Свидетельство о публикации №120030803151
Рецензии