ЦIера хаьшк дижад са кер чу, –
Керах цIи яьнний.
Моттиг готтаяьй са Iер чу, –
ПаргIато яйний.
Безам – цIи ялара бахьан,
Хаьшк хьалотадаьр;
Сина мукъле йолаш селхан,
Хlанз – са готта даьр.
Низ ба цIаро духьалбаьккха –
Кара дагIац хаьшк.
Аьттув балац из хьадаккха,
Дегах хиннад аьшк:
Лалаш да хIанз, аьшках тара,
Дог са, хулаш колд.
Дац са цхьаккха хIама кара –
Кхел яр цунах хурд.
05.03.20.
Безаман низ
© Copyright: Аслан Куазо Ингушетия, 2020
Свидетельство о публикации №120030700684
Свидетельство о публикации №120030700684
Рецензии
