Мичча мехка се кхачарах,
Аз цу мехка лерхIам бу;
Хьаьшан бокъо сай хиларах,
Юхь бехкаха лораю.
Ваш со массарий вахарах,
Цабоашамца къовсам бу.
Сайна нахаца та харах,
Iалаьмате доккхал ду.
Мелла аьла шийх хетарах,
Лай оамало саг лохву,
Iовдала сурт ше гойтарах,
Сийсазваьккхе, ше воаву.
Саго ше оттабу ший мах,
Юкъ-моттиг а оттаю.
Саго ше толхабу ший мах,
Юкъ-моттиг а толхаю.
Из шеддар а сагаца да…
0I.03.20.
Мичча мехка се кхачарах
© Copyright: Аслан Куазо Ингушетия, 2020
Свидетельство о публикации №120030700636
Свидетельство о публикации №120030700636
Рецензии