Таро, рузкъа айдаларо
Сага кер чу курал тос.
Цунах сонтал совъяларо,
Iовдалч юха ор чу кхос.
Курал-сонтал яц саг воахор –
Ахча-бохча хиларца.
Курал-сонтал я саг вовхар –
Иман лаьгIа хиларца.
Иман - ба адамлен бIоагIа –
Шийца боарам кхабарца,
Сага сийлен дола дIоагIа –
Сатем, хьаькъал совдарца.
ЦIаьрматал яц рузкъах кхевер –
Цун хьал, боахам бебабер,
Самоцал яц саг хьалъайвер –
Из толамга кхоачавер.
Камоаршал – да тарон ага,
Нах рузкъанца теркабер.
Хоза оамал – ца веш воага,
Саг сийленца Iалашвер.
26.02.20.
Таро, рузкъа айдаларо
© Copyright: Аслан Куазо Ингушетия, 2020
Свидетельство о публикации №120030700531
Свидетельство о публикации №120030700531
Рецензии
