ХьанайтIа закай суьгьуьрчи
Хьанайт1а эгена закай суьгьуьрчи,
Президентдиз элкъуьрдай ашукь- чуьнгуьрчи.
Ашукьди тухардай, ягъиз авазар,
Манидал лугьудай вичин указар,
Хьанайт1а эгена закай суьгьуьрчи ,
Чкадиз гъидай за районни хуьр чи.
Къучийрив, икьван гагь, авур къелетар,
Халкь патал харж ийиз тадай девлетар !
Хьанайт1а эгена закай суьгьуьрчи ,
Артухардай за маларин нехир чи.
К1валахрик квачиз жедачир папар,
Няметрив ац1удай суфрадал къапар.
ХьанайтIа эгена закай суьгьуьрчи,
За кьилиз акъуддай гьар са фикир чи.
Инсанриз туькIуьрдай гьардаз кIвалах-кар,
Духтурар гьакI пул гуз тадай за бейкар.
ХьанайтIа эгена закай суьгьуьрчи,
Дегишар хъийидай фейи уьмуьр чи.
Къад йисан хъийидай за жувни жегьил...
Бадедин хкетрихъ галама зи вил !
© Copyright: Тамила Хуршидова Салманова, 2020
Свидетельство о публикации №120030501934
Свидетельство о публикации №120030501934
Рецензии