Зулфиядиз
Атир гала цуькведин,
Дад ава вахъ вирт1един,
Гьар баладин т1ал гьиссдай,
Рик1 ава ваз дидедин.
Хуш гатфар я, май я вун,
Хцивилиз ц1ай я вун.
Бенде к1еве гьатайла,
Чи гьарайдиз гьай я вун !
Квахьда т1алар,уьгьуьяр,
Ачух жеда кефияр,
Ви ширин мез кьезил гъил
Галукьайла, Зулфия !
Мус хьайт1ани куьмекдиз,
Агакьда вун зирекдиз.
Ви зегьметар,жафаяр,
Акурай вах Фелекдиз !
© Copyright: Тамила Хуршидова Салманова, 2020
Свидетельство о публикации №120022910043
Свидетельство о публикации №120022910043
Рецензии