Философи хьехаш мустафа ганижев

  ФИЛОСОФИ ХЬЕХАШ Мустафа Ганижев

1аламо лахац сина къайленаш,
Халийта со! Фуд села дувца,
Вахара хул кертар уйлаш,
Цох со бехке веш, оаша вувца.

Х1аьта Дина т1аверзарвий хьо?
Уйла тоае цаховш вар лийнна.
Тайна уйлах ц1ерага кхоач со –
Ваха болх 1омбеш ма хул сайна.

Цох деоттам* хул дуне довза,
Уж хетараш хьехамо гойтац.
Философис нанилг хул ювца,
Воккха Канта уйла тоае лац.

Мишта мог сага 1аламгар ва?
Кхы сирда аьлча, вай дувца хул –
Кхетамче* хила еза хаьдда,
Мишта х1амчех* синала хьабоал?

Дал сона жоп укха хаттара:
Х1амах миша хьабоал синала,
Цуна жоп ца кордеш хул тара,
Фуннаг1 дале а мукъа хила.

Хетташ хаттар духьал улачо,
Бакъахьар уйлана никъ болга.
Кхоачвеш тохкамхо болх-1омбучо,*
Воалавеш хьо дагалоацамга.

Кант философис цхьа хоадамбеш,
Саг эггар лакха ва 1аламал,
Цудухь саги ма1ан белгалдеш,
Цун дар бухе гуш кхетама сел.

1алам хьадоал дух доза эшаш,
Со хьажа г1орта 1алам бага,
Цига буни* мотт хул б1аргагуш,
Хьаькъал шерашка совдоал мега.

Синал хьалха х1амче ярга гуш,
Кхетамзал* - даглоацам бац ло1ама.
Хоадалар, экам ба хьаькъал луш,
Амор*, ч1оаг1а догдар дац безама.

Деоттам* - практика; Кхетамче* – понятие; Х1амче* – материя; Болх-1омбучо* – изучаюший опыт; Буни* – природа; Кхетамзал* – бессознательность. 26. 02. 2020