Захъ уьмуьрда са чlал ава,
Дагъдин гьава хьиз кlан я заз.
Рикl алай багъ,са сал ава,
Кам вегьена физ кlан я заз.
Вучда на мад девлетрикай,
Чин тийирла ваз лезги чlал?
Мад Ватандин сергьятрикай,
Ван къвез,кваз такьур,лезги чlал.
Квез герек я а буй тlарам?
Чlалан къадри ваз тахьайла.
Бес жедачни тlуьр фу гьарам?
Саламдиз,салам тагайла.
Чlални Ватан язва кьве вил,
Абур вахъ тахьайтlа вучда?
Чlал квахьайтlа жеда есир,
Лезги,туш лагьайтlа вучда?
Лезги чlал
© Copyright: Марьям Алискерова, 2020
Свидетельство о публикации №120022509373
Свидетельство о публикации №120022509373
Рецензии
