Нах безаро кхоллац бала хьона –
Бала эгIазлонаш йолча бос.
Кхача лаьгI хиларах вижац уна –
Цунна сов тIакхерах уне вус.
Камоаршало каравигац къела,
Йоакхал йолча сихагI къел чуйос.
Курал, сонтал тоам хулаш яц кхела…
Уж хиларо саг балане кхос.
Къахетам совлена хилац цIаккха.
Камоаршалца мара хилац фос.
Атта хул цIи йоае, хала – яккха:
Дикал, вол а цу хьа цIарца дус.
2I.02.20.
Вахарцара уйлаш
© Copyright: Аслан Куазо Ингушетия, 2020
Свидетельство о публикации №120022400521
Свидетельство о публикации №120022400521
Рецензии