Пара ава хайи чlалан тарифар,
Шиирарни кхьенва лап булдаказ,
Садбур ава ийиз адан гьайифар,
Садбуруз ам аквазва машгьурдаказ.
Чlалакайни рахаз, кхьиз рикlивай-
Михьивилив кхьизвайдаз гьалал я.
Гьардахъ ава вичиз кьадар кlанивал,
Жувандан тlвар хкажайди кьегьал я.
Са буьндуьгуьр, акьулдикай гар хьана,
Къакъат хьанай жуван хайи чlалакай.
Кlула туна чарадан тlул, пар хьана:
Вучта чна ахьтин ажуз ламракай.
Жуван ватан маса гайид хаин я,
Дидед чlалаз гьуьрмет авун буржи я,
Дидедин чlал уьмуьрлух чаз ширин я,
Чарадан чlал герек чlавуз пиши я.
Гьарайналди чlал цавариз акъатдач,
Ван галукьайданни япар тlар жеда.
Гьуьрмет тавуртlа чlал чавай къакъатда:
Чlал масагай, кlвал масагай тlвар жеда.
Чlалаз гьуьрмет ая
© Copyright: Магомед Мирзоев Мирзой, 2020
Свидетельство о публикации №120022302788
Свидетельство о публикации №120022302788
Рецензии