Пара гафар бахшна адан тlваруниз,
Раханвайд я шаирарни алимар.
За вуч лугьун,са адетдин инсан хьиз,
Лайих хьурай лугьур гьар са келима?
Чилел чlалар гзаф ава ийер тир,
Верцlивилиз за дидед чlал хкягъда.
Куьз лагьайтlа, тек са дидед чlалалди,
Мукьал-мукьал заз дидед ван хкьякьда.
Зи къайгъусуз аялвилин кlвал я ам,
Захъ амачир диде ама а чlала.
Дакlандайдан рикlин кьилин тlал я ам,
Абур къудай хъуьтlер ама а чlала.
Дидед чlалал фикирда за, рахада,
Дидед чlалал я зи рикlел хкинар.
Дидед чlалал ярдин гевил кьада за,
Ам я руьгьдин женнет багъдиз рикlинар!..
21.02.2020 г.
Дидед чlал
© Copyright: Намик Фарзалиев, 2020
Свидетельство о публикации №120022108605
Свидетельство о публикации №120022108605
Рецензии