(Сулейманан жуьреда)
Къалин хьанва ви фитнеяр,
Алачиз рахун хъсан туш.
Бине авачир тегьнеяр,
Тикъетар ягъун хъсан туш.
Вавди къалун туш зи макьсад,
Писни хъсан течир фасад.
Беябуриз къекъвез масад.
Ажугъдив дуст хьун хъсан туш.
Гьахъвал кутаз на кIурарик,
Къенивал квач ви крарик,
Акат тавуй ви сарарик-
Мукьув агатун хъсан туш.
Ктад хьанвай т1иш кьаз вине
Чира вичин ери-бине.
Фитне-талба к1ват1из гине,
Акьван пехил хьун хъсан туш.
Ви амалар хьуй ваз къалум,
Пехилвилин цен кьур халум,
Гагь малаик, гагьни залум,
Вилериз акун хъсан туш.
Хъсан туш
© Copyright: Тамила Хуршидова Салманова, 2020
Свидетельство о публикации №120022007477
Свидетельство о публикации №120022007477
Рецензии