Тыгъэм зыреты хы Шlуцlэм
Жьыбгъэр щэджэгу уишъхьац
Сырэкlо о уилъэужым
lапчым сытетэу. Сылъапцl
Умыкlодыжь сыолъэlу
Сыгум ихъыкlырэр зэхэх
Пкlыхьэм сыхэтэу сыплъэкlо
Нэрыплъы дахэу къысфэхъу.
Жъыу:
Оры, оры сигушlуагъор
Оры синасыпым инэфылъ.
Оры, оры пшъашъэ нагъор,
Зыlамычlэ лъагуныгъэр илъ
Дунаир зэпэсэплъахьы
Укъэзгъотынэу сшlоигъу
Уlагъэ гур зыдэсэхьы
Ащ лъагъуныгъэр дыкlыгъу
Гумэкlым зыфэсэгъазэ
Тыдэ къисхына гупсэф?
Оры чэщыбгъум симазэр
Оры нэшхъэим ичэф.
Оры
© Copyright: Шефруков Адам Рамазанович, 2020
Свидетельство о публикации №120022005661
Свидетельство о публикации №120022005661
Рецензии