Казахстанага алар

Са дай болла бисача хана
Iа тIаийцаб, Казахстан!
Яхай из ха тахан Iана,
Дай цIаберзаш – Даькъастан.

Со тешал деш вац цу заман –
Со цу ханчухь ваьхавац.
Даьша дувцарах хов тахан –
Цар Iер атта хиннадац.

Чамза хиннаб хьа мохк хьалха.
Цунах бехк хьогI баккхар дац.
Хьа къам ше а ца могаш даха
Доллаше а, тхох къаьхка дац.

Иштта хиннай из ха – даьра,
Шийна чухьа зулам увж.
Вахар къовла могаш ваьра,
Къизал моллагIчунга товш.

ХIета а дисад са къам даха.
Рузкъа хинна цIадийрзад.
Вахар юха кхолла малха –
Низ ма кхоачча – цо лаьрхIад.

Тахан Даькъастенчухь юха
Цо ший кхуврч хьадийнабаьб.
ГIалгIай мохк! – оал цунах оаха.
Iа а из дийнбара гIо даьд.

ГIалгIай кхаьбаб Iа хьай пхьер тIа,
Царга юха са долтад.
Дийна висар верзаш пхье тIа,
Уж шой коа тIа цIабийрзаб.

Хьоца хоттаденна вошал,
Казахстан, са синца ув.
Хьа, тоаенна этта хозал,
Доккхача дунено зув.

Яха маьрша массе хана,
Хьайца беркат дебадеш.
Са халкъ хьоца да, Казахстан,
Хьо байташца хестаеш.

I9.02.20. ОальгитIе.