Залумвилин акатна тах,
Вун ваз ухшар амач гуьзел.
Регьим, инсаф амачиз вахъ
Залан гафар гъизва мецел.
Зал туьгьметар гьалчиз еке
Туьтуьнихъ кьван ац1урзава.
Зи намусдал алач леке,
Амма вуна кьац1урзава.
Гьакъикъат ваз виле амач,
Къундаймайриз ачухиз рехъ.
К1анидан гаф ише физмач,
Муьгьуьббатдал ацукьна пехъ.
Вуна хана ашкъидин къаб,
Дадмиш авур ширин шербет.
Зи ч1аларик квач к1усни таб,
Вавай хьанач хуьз чи гьуьрмет.
Сагърай зи лиф,гьала девран,
Ваз чидайвал,ваз к1анивал .
Зун амукьда вал яз гьейран,
Уьмуьр тухуз гьа гайивал.
17.10.2019.
Са танишдан т1алабуналди кхьей ц1арар
© Copyright: Тамила Хуршидова Салманова, 2020
Свидетельство о публикации №120021604221
Свидетельство о публикации №120021604221
Рецензии