Чъыгаем сыкlэрыхьи сеупчlыгъ:
Сыда тызфэбэнагъэр илъэсишъэ?
Лъэпкъэгъухэр тихэкужъым икlыжьыгъ
Фэшъхьаф къэралмэ къахэнагъ, яхъишъэу.
Уилъапсэ ипытагъэ сэ къысэт,
Къутам заул уиlэгоу къысфэщый,
Тиуашъо къаргъо лъагэу сыфэlат,
Сыкlэгъэдэlу тижъуагъо мэкъэжъый.
Сылъежьэ тырку къуахьмэ ялъэуж.
Сэра Хы Шlуцlэм зэпрымысыкlыщтыр?!
Дунаим къытехъощтхэр, сэ сауж,
Сыд фэдэ Хабза шlуа къахэнэжьыщтыр?
Къэспхъуатэу адыгагъэр къэсэрэхьи,
Сытфэдэ мылъкуи, дышъи сыфэмый
Ау гъашlэ насыпынчlэм тырихьахи
Тщыгъупшэжьыгъ зыфэдэр.
Джы тилый.
Тикъушъхьэмэ къашlэжьы,
Ори ошlэ
Къиныгъоу тызхэтыгъэр. Ео-ой!
Уилъапсэмэ псы lубэ амылъэгъумэ-
Джащ фэд адыгэцlыкlум инэшхъэй.
Чъыгаер сыд?
Джэуапи къыситыжьрэп,
Ау чlыгум хэгъэнагъэу пытэу щыт.
Сыда чъыгаем сэри зыфэзгъадэу,
Сихэку сыхэгъэнагъэу сыщымыт?
11.02.2020
къ. Инэм
Чъыгаем сыкlэрыхьи сеупчlыгъ
© Copyright: Шефруков Адам Рамазанович, 2020
Свидетельство о публикации №120021202904
Свидетельство о публикации №120021202904
Рецензии