Хъсан туш чи аялрин гьал,
Жемятди къачунва къал.
Югъ-къандавай бетер йикъал,
Элядай гьукум жедани?
Пул кIватIун я авай азар,
Мектебдикай хьанва базар,
Диде-буба ийиз бизар,
Бес ихьтин зулум жедани?
Пулдикай я фикир вири.
Тарсарихъни амач ери.
Аялрин кьадарни кьери,
К1елункай магьрум жедани?
Экзамендин т1вар я ЕГЭ,
Муалимриз ришвет еке,
Тагана хьуй-къведа леке,
Намусдал гьужум жедани?
Гьикьван эхда,я чан эллер,
Пара хьанва гьахъсузвилер,
Акъвазналди куьрсна гъилер,
Яргъалди дурум жедани?
ИкI жедани
© Copyright: Тамила Хуршидова Салманова, 2020
Свидетельство о публикации №120020308681
Свидетельство о публикации №120020308681
Рецензии