Рахана вах
Зав ахварай вах рахана,
Зав чарни ручка вугана
Зи баладкай,Равилакай,
Шиир кхьихь, вах,лагьана.
Зун шикилдин къвазна вилик,
Агьузардив шехьна зи рик1.
Велед хайи югъ тир кьван къе
Аян хьана дидедиз гьик1?
Вахан буйругъ тухуз кьиле,
Ацукьна зун хелвет к1вале.
Ч1ехи вахан гаф я къанун-
Къелемни чар кьуна гъиле.
Туна фейи чаз аманат,
Веледар хьуй сагъ-саламат,
Вавай гьализ тахьай йисар
Гьабуруз хас хьурай кьве къат.
Ц1игел я чун гьамиша вахъ,
Рик1 сагъардай дарман я вахт.
Ви т1вар алаз хтай хтул
Гьикьван ухшар я ам ваз вах!
Вун амачиз дар я дуьнья,
Кьве келима рахаз к1ан я.
ГЬикьван вахтар фейит1ани,
Вун даим кьве вахаз к1ан я!
© Copyright: Тамила Хуршидова Салманова, 2020
Свидетельство о публикации №120013003996
Свидетельство о публикации №120013003996
Рецензии