Пехилбуруз
Агь,инсанар инсанар,
Мецихъ ч1уру ч1ал галай,
Квайбур ч1уру нукьсанар,
Пехилвилин т1ал галай.
Кьве чин алаз къекъведа,
ШейтIан жеда рик1ени.
Шер-фитнедихъ гелкъведа,
Кьве мез жеда сивени.
Квез пара яз аквада
Садан гьалалдин зегьмет.
Куьн кьулухъай рахада,
Дуьз касдиз ягъиз тикьет.
ЧIуру я куь хесетар,
Мукьвабурни чидач квез.
Авурбурун гьуьрметар,
Я къадирни жедач квез.
Гьикьван ягъин тегьнеяр
Чарабурун крариз?
Алахъзава рехнеяр
Кхьиз керчек ц1арариз.
Агалкьунрал гъейридан,
Эцигмир куь пич1и вил,
Машгьурвилел сейлидан,
Садрани жемир пехил.
Вине яхъ куь инсанвал,
Эгер ят1а инсанар.
Ийиз алахъ хъсанвал,
Квадра ч1уру нукьсанар !
© Copyright: Тамила Хуршидова Салманова, 2020
Свидетельство о публикации №120012504261
Свидетельство о публикации №120012504261
Рецензии