За уьмуьрдин гьар са кьадам
къвацазва вун чешне хьана.
Къе ви гьалар, хайи Ватан,
рикlиз хуш я вине хьана.
Вуч авурай, дерт я лугьуз-
рахунрикай хийир авач.
Къалурайт1а жуван ажуз,
амукьда ам, бине хьана?
Чи тарихдин гьуьрмет хвена,
рикlе дамах хьун хъсан я.
Шелни ажугъ са азар я,
герек авач мецел хьана.
Усалда вич гьахъ я лугьуз,
вил чарадан кlула жеда.
Гужлу касдиз вичин гьахъ, пис,
кlан я вичин къуьне хьана.
Гьар сада вич пlир я лугьуз,
къекъвейтlа чун усал я хьи.
Сада муькуьдал элуьхъайт1а,
имни яхун сегьне хьана.
Ажуз, лавгъа терг авуна,
акьуллу кар хийир я чаз.
Сада садаз гьуьрмет ийин,
мадни хьуй чун вине хьана.
За уьмуьрдин гьар са кьадам
© Copyright: Магомед Мирзоев Мирзой, 2020
Свидетельство о публикации №120012209345
Свидетельство о публикации №120012209345
Рецензии