Мецел Аллагь, кьиле шайтlан,
Кьил акъатдач крарин,
Бейниванар ийиз гьейран,
Суьгьуьрда тваз чlаларив.
Кьарада тваз чарадан тlвар,
Чинал ийиз гьайифар,
Ийиз вакай мердимазар,
Тlуртlа вичин тарифар.
Буш келледин кар вине кьаз,
Буш келлеяр сад жеда,
Герексуз са тlвар вине кьаз,
Намусдикай яд жеда.
Кесиб такваз, кьил къакъудиз
Пlеркьи жеда вилерни.
Тlуб вугайтlа, гъил акъудиз,
Тух жедай туш зегьерни.
Мецел Аллагь
© Copyright: Магомед Мирзоев Мирзой, 2020
Свидетельство о публикации №120011909577
Свидетельство о публикации №120011909577
Рецензии