Я люблю над ракою туманы,
I на досвіт наступнага дня,
Слухаць як прачынаюцца травы
І вясновую песню шпака,
Спёку летнюю, лес i суніцы,
Павуцінак дрыготкі ўзор,
I сцяжынку да светлай крыніцы
Паміж старых вялізных дубоў.
Я люблю залацістую восень,
Лісця шолах і вогнішча пах,
I хай стукае дожджык па вокнах -
Нi слязінкі на сумных вачах.
Я люблю серабрыстую сцюжу,
Лёд празрысты на хуткай рацэ.
Я на памяць пакіну сняжынку
На калядным блакітным стале.
Я люблю, што і іншыя любяць
Што даступна, прыгожа для ўсіх.
Бо на нашай зямлі беларускай,
ў кожным сэрцы жаданне любiць.
Я люблю
© Copyright: Вера Соловей, 2020
Свидетельство о публикации №120011306295
Свидетельство о публикации №120011306295
Рецензии
