Сигла седкъа сенга хьежа?
Лаьтта зиза хьанга дел?
Фаьрго илли хьанна доаха?
Сира кхокха сенна бел?
Гув тIа ювл со – седкъа лаха.
Баь тIа уд со – зиза го.
Фаьрган иллега ладувгIа
Хьунчу йод со, гIазал мо.
ДIабайнаб са сигла седкъа.
Зиза соха хьуладаьд.
КIорни дахача цу новкъа
Са иразан пордув даьд.
Раьза я со хьун чу яла,
ГIазал хилла раьза я.
Керчу боага сийна ала
Хьунца эбе кийча я.
Сигал яргья, седкъа хинна,
Сайца аре къоагоргья.
ТIаккха, морхашца дIаийна,
ДогIа хинна, елхаргья.
12.01.20.
--------------------
Фаьрг (гIалг.) – соловей (рус.).
ГIазал (гIалгI.) – газель (рус.).
Безамах яьннача йиIий илли
© Copyright: Аслан Куазо Ингушетия, 2020
Свидетельство о публикации №120011209101
Свидетельство о публикации №120011209101
Рецензии