Дустариз лагь
Хабар кьурт1а зи гьалдикай дустари...
Е.Эмин
Чеб яргъарай хтай ч1авуз ватандиз,
Чун сад садаз акурай лагь дустариз.
Рик1ин михьи теклифдалди мугьмандиз,
Зи вил гала, атурай лагь дустариз.
Бахт тушни бес, абур акун и чилел,
Шадвилин накъвар алаз кьве вилел,
Синидал-кьелни фу, хунча-кьилел,
Чеб энгел жез тахьурай лагь дустариз.
Талагьрай хьи зун са кас я къадирсуз,
Мус кIантIани къуй атурай хабарсуз.
Зун рази я чеб атунал кьадарсуз,
РикIикай пай тухурай лагь дустариз.
Килиграй гьикI ятIа чи дуланажагъ,
Ацукьун-къарагъун, чи къабни къажах,
Лезгивални хуьзва лагь вине анжах.
Чпиз илгьам къачурай лагь дустариз.
Ийида лагь чпиз хъчад афарар,
Тамиладиз чидач цIару тапарар.
Тешкилда за дуьз пуд юкъуз суварар,
Килиг гьа, геж тавурай лагь дустариз.
© Copyright: Тамила Хуршидова Салманова, 2020
Свидетельство о публикации №120011104568
Свидетельство о публикации №120011104568
Рецензии