Боамбе петар михца кхесташ,
Халхаювл тха коа –
Тайна диллад, бIар-са хьесташ,
Массанахьа лоа.
Уйла я са ловзаювлаш,
Михьарйяьккха цо.
Дог да, гома чурадувлаш,
ГIерташ дуне го.
Латт со коа тIа, долчун зем беш –
Iана сий аз ду –
Массанахьа аре хозъеш
Цун начIал а гу.
Сурт диллад цо, говзал хойташ,
Гойташ белгало.
Из ший кхоллам сога зуйташ,
ВIаьхий со цо ву.
10.01.20.
Iа
© Copyright: Аслан Куазо Ингушетия, 2020
Свидетельство о публикации №120011009317
Свидетельство о публикации №120011009317
Рецензии