Вянчаліся дзве зоркі на зары
І сведкаў на вяселле запрашалі.
А месяц, барадаты і сівы
Надзеў нявесце шлюбныя каралі.
Абкрыўшы Млечным шляхам тонкі стан
Свяцілася ад шчасця маладая.
Вось маладзён – яснавяльможны пан
На танец маладуху запрашае.
Паўсталі зоркі ў вясельны рад,
У віхры вальса шчасцем захмялелі.
Калі ўбачыш у небе зорапад
Прыгледзься! Гэта зорнае вяселле.
Зорнае вяселле
© Copyright: Вера Дрозд, 2020
Свидетельство о публикации №120010408810
Свидетельство о публикации №120010408810
Рецензии