Чхьонка тохийташ, дlайода зама.
Керта чу дохк делла са уйла лел.
Вахарах кхета, сакхе гlерт lама.
Ма lаьма эттар хьа lамаре кхел.
Салоl са наlарга, гуйран денош.
Меноташ зене ма чхьонка а етт.
Гlанах гуц мара, лайх дизза цlенош.
Йоачонца лаьттах дехка оасаш кхетт.
Дакъа тlа мерчи саго lотоссаш,
Бlаргаш чlахк, вай а бlаргхиш кхоаладу.
Хийла зирак хул курро дош тоссаш,
Бакъда, цун а ший кхоане дика гу.
Диц ма далийта, ха гарга отташ,
Дагалоацамаш вай гаьнагlа тотт.
Лаьттах ца дашаш, ма-барра хотташ,
Вай мархlа а беле, боал уж а котт.
Гlалгlайче, 2. Нажгамсхой бетта 2020 шу
Чхьонка етташ йода зама
© Copyright: Микаил Сапралиев, 2020
Свидетельство о публикации №120010305030
Свидетельство о публикации №120010305030
Рецензии