Лацу лифрез...
Ракъурмир вахт, гьеле геж туш-пака туш.
Къуй ви вилик гегьенш цавар экlя хьуй,
Инар лацу лифре мугдай чка туш.
Ина тукьуьл рикlер, тlулар парава,
Гьазур я гьар легьзе цацар эцягъиз.
Эрк квайбури эцигдай хер чара я,
Винел ккар кьаз,къеняй жеда иви гъиз.
Верцlи затl я ватан лугьур макан а,
Акьван регьят тунани физ жедач хьи.
Хабар я заз, зи кьилелни атанай...
Пис амалриз гьикьван эхрай бес рикlи?
Лув це, акъат и тав рагъу чкайрай,
Хайи чили ахъайдачтlан-гуж ая!..
Амма жуван, лацу лифрен шарагар,
Вахт атайла,мад ватандиз куьчара!..
02.01.2020 г.
Свидетельство о публикации №120010303974