Ц1ийи йис барка хьуй, багърияр, дустар !
Кьилиз фий куь михьи мурадар- къастар.
Куь рик1ин сергьятар ахъабур хьурай,
Жуванбур кьабулиз, алачир постар.
Квев терсвал, пехилвал агат тавурай,
Бахт квелай кам къачуз, алат тавурай.
нубатсуз, уьмуьрди ч1урна чин вичин,
Садрани куьн руьгьдай ават тавурай !
Тамила ава квез ийиз алхишар,
Уьтквембур хьурай куь руьгьдин еришар.
Бегьердив агакьна куь хзандин тар,
Гьар садаз рик1 тирвал гъурай емишар!
ЦIийи йисан тост
© Copyright: Тамила Хуршидова Салманова, 2019
Свидетельство о публикации №119123103261
Свидетельство о публикации №119123103261
Рецензии