Зяро моротнень содызь курот
Зяро моротнень кунсолызь?
Зярдо тесэ гайгесть морот,
Косо марявсь аорексчись?
Манчесамизь, минь кемтяно
Ды сынь кельсэст тонавтсамизь.
Истя арсить: уреть ультяно,
Ордадоманть нилевтсамизь.
Зяро морот моратано?
Зяро морот сынь морыть?
Зяро келеть содатано?
Зяро келеть сынь содыть?
Виев аволинек, паряк,
Аволинек сюпав пек,
Раськеденек содатано,
Нельгицятнеде седе пек.
Марявить эсест прянь азорокс,
Налксест, иляст сынь стувтово
Инжетне кадовить инжетнекс.
Тесэ азорт кадовтано.
Тердема
© Copyright: Андрадит Петровский, 2019
Свидетельство о публикации №119122709580
Свидетельство о публикации №119122709580
Рецензии