Гьар сеферда тlуьнар-хъунар авуна
Вилик галай суфра хкlватl хъийирла,
Зи бадеди гъилиз ахгагъ хъувуна,
Авахьай фан гъвелер сивиз хъигьидай...
Язух чlугваз жедай зунни бадедин-
Аял тир зун гьар шеъ кьатlун тийидай.
Амукьдай зи вилер чинал дидедин-
Са фан чlук кьван суфрадал тун тийидай.
Акl жедай заз гишин ама зи баде,
Зи дидеди адаз тlимил фу гузва.
Виливай хуьз жедай суфра нупадин,
Жуван къафун бадедиз гуз гьазур яз.
Къафун гъайла,кlан тийидай багьнадай,
Гуз алахъдай жуван пайни бадедиз.
Тур къачуна бадед сиве за твадай,
Недачир:"Чан,ни неда бес атади?"
Амма суфра ахгагъдай вахт атайла,
Бадед гъил мад жедай вичин кlвалахдик.
Рахаз фан гъвел пара авун патахъай,
Суфрадал са цlверекl ттаз алахъиз.
Сир хьана заз и кар,чlехи жедалди,
Тучир дявед кьитвилеркай заз хабар...
Де ша,дяве акунвай зи бадеди,
Рикlел хуьз тир адан каш квай яман къар...
21.05.17
Дяведи тур вердишвал...
© Copyright: Намик Фарзалиев, 2019
Свидетельство о публикации №119122705419
Свидетельство о публикации №119122705419
Рецензии