Лезги Няметаз

Са кьве йис вилик кхьенвай шиирдал расал хъхьана зун...

Лезги Няметаз

Халкьдин рекье цlрана вун,кана вун,
Рикlин гъалар са-сад кьатl жез авахьна.
Курай лугьуз гъуцари чаз гана вун,
Кlан хьанач жал лезгивилер чи квахьна?

"Зун лезги я,"-чlав туна на алемдиз,
"Лезги"-лакlаб кьуна тlварцин кlвенкlве на.
Къилав гана алмасдикай къелемдиз,
Дидедин чlал хуьн патал на женгна.

Данкоди хьиз куькlуьрна на жуван рикl,
Чи авладриз зулматдай рехъ къалурна.
Ягь жибинда авайбури,аман,гьикl
Машатна ваз гьамиша,кlвач галкlурна.

Вилив хвенач-халкьди сагърай лугьуда,
Лагьаначтlа-хьанач хьи,гьич пашманни.
Чакай лагьай алчах гафар агъудай
Кьечlин хъийиз,элкъуьрна на душмандиз.

Лезги тирди хиве кьаз кlан тийидай,
Ттумар чакай тирни якlвар акваз,на
Шииррикай жуван,кана кхьидай,
Гапур ийиз,абрун вилик акъвазна.

Кьилел даим чlулав цифер хьанатlан,
Гьич ханач хьи,гьуьлдандин руьгь,шаир,ви.
Вучиз жедач вазни игит лагьайтlа?!
Тушни вунни зи халкьдин са Шарвили?!