Гьим авайтlан ви чкадал,руьгьдай аватдай,
Амукьдайд тир залан дердер ял тежез,хана.
Амма са гуж жагьанач хьи,ви метер къатдай,
Алкlанатlан кlвалин чилел вун,мерез хьана.
Къаткай месик хайи чlалан ади гафаркай,
Инжи хьтин шиир,тесниф вуна туькуьрна.
На бахтари жуваз гайи залан жафадкай,
Масадбуриз мягькемвалин маяк куькlуьрна.
На чандавай тlал гьисаба тlакьаз,гуьзелриз
Мани лугьуз,ашкъидин цlай туна рикlера.
Хару наздив жавабна ви верцlи къезелриз,
Такабурдин дагъ тир,ийер дагъви бикейри.
Ви руьгьдин гуж акваз,дердер чеб дакlунвайд я,
Гъамар ваз ваъ-вун гъамариз хьанвайд я гьаким.
Гьинай атай аламат я,низ акунвайд я-
Руьгь ашкъидив ишанвай шаир тежен лигим.
Ви хатурар хайибур вич седдик кумукьна,
Дагъ чуьхвена тухун рагъул хваларин тlем туш!
Вун гьамиша чи рикlера,шаир,амукьда,
Етим Эмин авай са халкь асла етим туш!
09.12.18 г.
Етим Эминаз
© Copyright: Намик Фарзалиев, 2019
Свидетельство о публикации №119122704333
Свидетельство о публикации №119122704333
Рецензии