Цавай заз са эвердай ван атана:"Гуч хьайи инсан,
Рикlиз вуч кlанзава чинтиз,умудар пуч хьайи инсан!
Ишехьна къвезва дуьньядал-фанавал ваз адан чизвач,
Ката-галтук,челек-фелек...эхирни куьч хьайи инсан!
Гуьнагьринни темягьрин чалпачухда гьатна квахьда кьил,
Вичи кьазвай амалрин гьа,балайриз туш хьайи инсан!
Уьмуьр ваз са аманат я,цавара гьакь-гьисаб кьунвай,
Акьулдиз яб тагуз,даим жуван нефс гуж хьайи инсан!"
Атайвални хкахьна ам,мад а ванцин амач таъсир-
Квекай сад я и Намихъни,ийин бес вуч,хайи инсан?!
23.11.18 г.
Къезел
© Copyright: Намик Фарзалиев, 2019
Свидетельство о публикации №119122703937
Свидетельство о публикации №119122703937
Рецензии