Тилсиз мишик
Сёйлеп уьйренген мишик
Билмей болгъан мавуллап,
«Мияв» булан ёкъ иши,
Чаба айтгъангъа гьавлап.
-Гьуя! Булай дейген не-
Тилин унутгъан мишик,
«Мияв», деп билмейгенин
Эшитмесин гьеч гиши!
-Адам тил недир сагъа,
Оьзге тилингни ташлап?!
-«Ессим къолай эт сала,
Къурсагъым тоя ашап!
Мавуллама башласам,
Тебип, ариге ата.
Неге, ятып ашасам,-
Арив савлугъум арта!»
- Воллагь, сен тюз айтасан:
Кюйленсенг, къурсакъ тояр,
Тек, миявунг унутсанг,
Сенден не мишик болар?!
19.02.2019.
© Copyright: Пахуздек Махтибекова, 2019
Свидетельство о публикации №119122402273
Свидетельство о публикации №119122402273
Рецензии
