Кьакьан дараматар,шегьре куьчеяр,
Урусатдин са пlипl-ингье!
Къацу тарар,парк,муьгъ,
Гатун зегьем квай
Нянрин са легьзе...
Са тlимил вахт ава
Хъсан марф къвана
Куьтягь хьанава.
Гьяфтейрин чимивал
Амач мад- саки
Са цlуькl хьанава.
Тlветер хьиз инсанар экъвезва
Куьчейра,паркара-
Акъатна кlвалерай...
Саки инсанар туш-
Марфадлай ахпа тир пlваркlвар я.
Гъил-гъиле экъвезва
Са жегьил гадани ийер руш.
Патавни са бицlек катиз я...
Марфадлай ахпа серин гьава я,
Гъил-гъилевайбур
Зи свасни хва я-
Им зани кьатlуз я...
Гьикlни кlандай заз
Исят анал хьун-
Абурихъ галаз...
Бес зун?Зун бес гьинава?
Зун авай макандиз акъатун патал
Серятар,часпарар элячlна кlанда!
Амачтlан и чилел-амазма мадни
Зун зи ватанда!
Тарарин серин
Гуьлгедик ксанва зун
Са эбеди ахварив!
06.07.18 г.
А дуьньядай аквада заз...
© Copyright: Намик Фарзалиев, 2019
Свидетельство о публикации №119121802395
Свидетельство о публикации №119121802395
Рецензии