Къекъвезва зун анжах тек са ви т/вар кьаз.
Гьахьнава вун зи гьиссерин дегьнейра.
Ваз , нин т/вар кЬаз к/ан хьанат/а чадач ваз.
К/вач галк/изва зин , уьмуьрдин сегьнейра.
Деринвиляй белки зи гьисснрин гьуьл,
Экъеч/ тежез сирнав ийин ават/а?
Вун къекъвезвай рекьерал зи ала вил,
Чидач заз вин вил нин рекьел алат/а.
Кьежирзава марфади къвез ст/алар
Гьиссерин таж хкажнавай кьилел за .
Сагъ жедайвал хьанвай хирерин т/алар ,
Вав гвай дарман мус вегьеда рик/ел на.
Са патайни кутазвач вак тахсир за ,
Зун кьисметди шуьрай кас я гатана.
Пак цавари ракъурнавай есир са ,
И дуьньяда вун к/ан хьурай лагьана.
Тек са вун
© Copyright: Гулья Мисриханова, 2019
Свидетельство о публикации №119121608198
Свидетельство о публикации №119121608198
Рецензии
