Экуьнин салам ракъурна
Экъечlда лагьай,
Къелем гъиле кьун мажбурна
Хиялри атай....
;;;
Михьи ният аваз кам вегь
Чарадан гъенел,
Фу кяна на тlуьртlани цlвегь
Хуьх жуван рикlел.
Са суфрадихъ ацукьай вахт,
Къвемир ваз гьайиф:
Ам Аллагьди гайи я бахт,
Гьуьрметдиз лайих.
Анлай кьулухъ вуч арада
Куь хьайитlани,
Футфа туна са чарада
Лап къайитlани,
Хкваш рикlел гьик1 амукьнай
Са суфрадихъ куьн,
Шадвал ийиз гьик1 ацукьнай
Туна къуьне къуьн...
Бубайрилай амай адет
Квадармир куьне!
Фан къадир хуьх, ая гьуьрмет,
Гьар садан кlвале.
Са суфрадихъ т1уьр фу алудмир рик1елай
© Copyright: Гасанова Гюзеля, 2019
Свидетельство о публикации №119121504500
Свидетельство о публикации №119121504500
Рецензии
Саламалейкум Гюзеля вах!!!Лап дуьз гафар я ,халис лезгийрин адетдин.Амма къенин юкъуз т/урунал нез ,тумунал вил акъудзавайбур гзаф я.Сагърай чи ч/ал ,чи адетар хуьзвай Лезгияр!!!Куь къелем мадни хци хьурай!Еке гьуьрметдив Фат/имат Османова!
Фатимат Османова 05.06.2022 15:06 • Заявить о нарушении
Фатимат Османова 05.06.2022 15:06 • Заявить о нарушении
Зун шад я, играми Фатимат вах, куьне зи страницадиз фикир гана, шиирдин цlарар и чпел желбна. Эхь, дуьз лугьузва куьне:алай девирда инсанар дегиш хьанва. Квел жезмай кьван хъсан инсанар, халис дустар гьалтрай. Зуни куь дустарин жергеда аваз куьне кьуртlа, гзаф шад жедай. Квез агалкьунар генани хьурай! Гьуьрметдивди Гюзеля
Гасанова Гюзеля 23.06.2022 12:06 Заявить о нарушении
Гасанова Гюзеля 23.06.2022 12:06 Заявить о нарушении
Гюзеля вах ,кьабул зи михьи рикlин салам!Чун и шииратдал рикl алай вири гьакlани къелемдин дустар я!Чна къуват сад авуна чи халкьдин руьгь хкажна кlанда ,чи хайи чlал хвена кlанда!Са гаф мадни лугьун играми инсан, дуст кьун регьят я ,амма хуьз четин!Халис дустар хьун патал чаз чун хъсандиз чир хьана кlанда.За умудзава чавай чун хуьз жеда!Зи номер зи страницадал ала герек хьайитlа!Аллагьди сагъвал гурай!Гьуьрметдивди Фатlимат.
Фатимат Османова 27.06.2022 07:28 Заявить о нарушении
Фатимат Османова 27.06.2022 07:28 Заявить о нарушении