Цуькед кlунчl...ресторан...куьче...йиф-секин,
Цlийидик къванвай марф,асфальт,цин лекьвер.
Кlвализ геж жезва вун-гагь ийиз йигин,
Гагьни явашиз кам...зак куткузва хъвер.
Цавун къав са лацу тавдава,кьетlен,
Цифер гужумнава,авахьна чилиз.
"Савкьват гуда за ваз,"-къалуриз гъетер
Ава зун-амма сад къвезвач зи гъилиз.
Умудар,хиялар...жезни авачиз?
Эвериз я,ингье,ахъайна лувар.
Хьанайтlа кикlидай чка зи кlвачиз,
Юзурдай за дибдай лап и Чилин шар.
Ви ашкъид гузва заз и гуж,и къуват,
Амма вун фаркъина авач гьич идан.
Акваз ви,фикирар чкlанвай къамат,
Амазва чин тийиз зун,вуч хъийитlа.
Вуч я ви рикlевай гьиссерин тlурфан?
Квекай кичlе ятlа вуна заз лагь тlун.
Мегер вун инал за кьуна хуьз тир кьван-
Архайин туширтlа,вазни кlан я зун?!
08.02.18 г.
Цуькед
© Copyright: Намик Фарзалиев, 2019
Свидетельство о публикации №119121404313
Свидетельство о публикации №119121404313
Рецензии