Нажах, мишер яна к;улуз,
Четиндаказ камар къачуз,
Зун к;арасар к;ват;из тамуз
Фин хьана са зулун юкъуз.
Юкьвакайни хьана к;арас,
Гагь зун пеляй авахьзавай.
Твадай кьван тип;ихда к;арас,
Чандилай яд алахьзавай.
Экуьн кьиляй экъеч;ай зун,
Йиф жедалди тама амай.
К;вачерани гьатна зурзун,
Ч;акьракьзавай кьуьзуь кьамай.
Фу недай вахт хьайи ч;авуз,
Гъил вегьена за чантадиз.
Пуд какани, ниси кьве к;ус,
Анжах гьатна анай гъилиз.
Хъел акатна, чантадавай,
Пуд какани гадарна за.
Чими к;вале т;амадавай,
Юлдашдизни гвадарна за.
Тамуз фейи кьиса
© Copyright: Омар Казиханов, 2019
Свидетельство о публикации №119121403446
Свидетельство о публикации №119121403446
Рецензии
