Вири муаллимрин,хсусини чи лезги миллетдин и экуь сенятдин рекьевайбурун къенин югъ барка хьурай!
Инсандин хва акъуддайди,эквериз,
Китабар я-буьркьуьдазни им чида.
Арифарда и дуьньядин сирериз-
Китабар нур,авамвалин къалум я.
Илимар я чарарин пар,китабрин,
Жеда абур гьар жуьредин кlалубрин.
Жавабар я чи суалрин,тlалабрин-
Лагьайтlа жез,гьар китаб са алим я.
Ала амма и дуьньядал са инсан,
Кlелиз,кхьиз чирда китаб чаз хъсан.
Гьар са легьзе адан уьмуьрдин,масан-
Чаз пишкешдай тербия я,талим я.
Бейниравай мичlивилер акъудда,
Чиркер,кьарар акьулравай къакъудда.
Чун илимрив,илимар чав агудда-
Вични пак я,тlварни пак-ам МУАЛЛИМ я!
Муаллим
© Copyright: Намик Фарзалиев, 2019
Свидетельство о публикации №119121207467
Свидетельство о публикации №119121207467
Рецензии