Къужахдавай тик, рехи тир дагъларин,
Ви гьар са тар, гьар са булах к;ан я заз.
Безетмишна цуьк акъудай багъларин,
Дигмиш хьанвай емишрин ни к;ан я заз!
Заз ватанда ракъинин экв экуь я,
Ина шаддиз физва мелни-мярекат.
Заз ватанда туькьуьл зат;ни верц;и я,
Чи инсанрин чиник квазва берекат.
Са вахтара дарих жеда калерихъ,
Экуьнахъ вад нехирдаваз физавай.
Шуьшебендар авай кьакьан к;валерихъ,
Чпин къене виш сар тарих хуьзавай.
Гагь булахар аквада заз ахварай,
Гурлудаказ авахьзавай дат;ана.
Мугьманар яз чун хтана яргъарай,
Ширин шербет яд дадмишиз атана.
За ватанда т;алар, хирер гьиссзамач,
Сагъ жезва зун лезги хайи чилел зи.
Зи къеневай билбил гьич к;ус кисзамач.
Гъурбат лугьур т;вар хквезмач рик;ел зи!
Вил гала
© Copyright: Омар Казиханов, 2019
Свидетельство о публикации №119121207387
Свидетельство о публикации №119121207387
Рецензии