Экв жез мукьа...гьуьлуьн къерех...
Акъвазна вун къумадал,тек-
Гузва жуван хиялриз рехъ.
Яру хьанва гьуьлуьнни хъвехъ-
Регъуьзватlа?Яхъ хабар на!
Яр янава цавун чиниз...
Горизонтда,ккlанвай хьиз
Цавун къав я аватиз циз.
Килигзава,яруш,гьиниз,
Гуьзетиз гьин бахтавар на?
Авач белки,гуьзетдай кас...
Лайихвал хуьз а жуваз хас.
Тек амукьун авуна къаст,
Чими юкъал са кlус амаз
Кьабулиз я са шагьвар на.
Белки чара себеб я,там...
Гъил гъилиз вегьена тlарам,
Кьил винизна,тик кьуна кьам-
Жував хуьзва на жуван гъам,
Лагь заз,ви рикl ни икl тlарна?
И бахишрик акакьдач тlем-
Килигунриг,ви,и кьетlен.
Винеллайди-кьелечl перем,
Мекьи жеда,-куда зи къен...
Ваз чида-вучда тикрарна?
Гьуьл сейр ийизвай гуьзелдиз...
© Copyright: Намик Фарзалиев, 2019
Свидетельство о публикации №119121206994
Свидетельство о публикации №119121206994
Рецензии