Сулейманаз
Вун амач къе,Гомер зурба,
Ви камалдин зар ама.
Чи арифдар, чIихи буба,
Ви таъсирлу ц1ар ама.
Чи рикIелай фидани бес,
Ви жафа квел эвезда?
Там алемдиз хьанай сес
Писателрин съездда.
Лезги кьат1ун,ви гаф эркин
Тир михьиди ва пакди,
Къалурна чи миллетдин чин
Ви намус квай бармакди.
Шииратдин ник1е ава
На битмишай бегьерар
Лезги элдин рик1е ава
Ви ялав квай эсерар.
Вун билбилдив хьана сирдаш,
Адав дердер авуна.
Ваз багьа тир фяле юлдаш-
дин гьунар ваз акуна.
.
Русвагьайбур гьикьван хьана.
Фекьиярни судуяр.
Ви сиркеди шумуд кана
Чалкечирар,жадуяр.
Ви тIвар кьазва гьар чкада,
ГъвечIидани чIехида.
Гьам мектебда,гьам бахчада,
Куьлуьдани ирида.
Ви шииррин къадир чизва
Акси хьайи къелетриз.
Ви к1вал хуьзва,ви ч1ал хуьзва,
Ви ирс хуьзва веледри !
© Copyright: Тамила Хуршидова Салманова, 2019
Свидетельство о публикации №119121108401
Свидетельство о публикации №119121108401
Рецензии