Уашъор чIыгум телъы хъугъэ,
Ом ичъэныр зэпыугъ.
Дышъэ джанэр, тичlыопсым,
Цые фыжькlэ зэблихъугъ.
Шъхьаныгъупчъэхэм къатео,
Типчъэ lупэ жьыбгъэу lус.
Кlымэфэгъор сэ къыслъэкlо,
Иосыцэхэр сиус.
Псыхъураер гъунджэ ешIы-
Илъэсыкlэр иплъыхьан.
Чъэп лъэбэкъухэр тыди едзы,
Унэ фабэм къимыхьан.
Оры бэкlэ сызэжагъэр.
-Къакlо! Къакlо! Сыпфэраз!
Шlухьафтынэу къеблэгъагъэр,
Синыбджэгъоу-Тыгъэгъаз!
Щэфрэкъо Адэм
6.12.2019 илъ.
къ. Инэм
Тыгъэгъаз
© Copyright: Шефруков Адам Рамазанович, 2019
Свидетельство о публикации №119120602904
Свидетельство о публикации №119120602904
Рецензии