Кьве пад хьанва, дуьнья мич1и

Назиль Махмуд 76
Кьве пад хьанва, дуьнья мич1и,
Вилиз такваз к1ани инсан!
Амач гила ч1ехи- гъвеч1и,
Рик1 вун патал хьанва масан...

Цавун къашар кфизмач ваз,
Югъ -йиф амач, ахвар ханва.
Хиял квахьна -жезвач  мад кьаз,
Вучиз зун вахъ вердиш хьанва!?

И дуьньядик ухшар кумач,
Рангар квахьай са пек я жал?
Заз вахъ кудай  рик1ни амач,
Мус къведат1а яраб ажал...

Ваз баядар туна фида,
Килиг тийиз…  виняй агъуз..
Ахпа вуна рик1ел гъида,
Зи азабар, ялавди куз...


© Copyright: Назиль Махмуд 76, 2019
Свидетельство о публикации №119120403391
Список читателей / Версия для печати / Разместить анонс / Заявить о нарушении
Другие произведения автора Назиль Махмуд 76
Рецензии
Написать рецензию
Другие произведения автора Назиль Махмуд 76